Deri më tani, ka më shumë se 885.500 raste të regjistruara të koronavirusit në botë, me të paktën 44,000 vdekje.
Për të përballuar presionet që kërcënojnë të mbingarkojnë sistemin shëndetësor, shumë vende po ndërtojnë spitale në terren ose objekte izolimi të përkohshëm për mijëra pacientë.
Në përpjekje për të mbështetur mjekët dhe pacientët, ushtria është e përfshirë në ndërtimin e këtyre spitaleve, si dhe punëtorët e kompanive të tjera. Disa nga spitale po ngrihen në salla konferencash, stadiume dhe panaire.
Në Londër, Salla e Konferencave Exxel në Mbretërinë e Bashkuar u shndërrua në një spital me 500 shtretër, duke u zgjeruar përfundimisht në 4,000.
New York-u është epiqendra e epidemisë në SHBA, dhe ky vend aktualisht është në ballë të rasteve të regjistruara.
Po ndërtohet një spital fushor në Central Park, si dhe një morg i përkohshëm pranë njërit prej spitaleve më të mëdha të New York-ut.
Mjekët në Itali, rajoni më i goditur në Evropë, thonë se në spitalet ku po përpiqen të trajtojnë pacientët, kushtet janë “si lufta”.
Në qytetin Kremona, Lombardi, u ngritën tenda dhe 52 mjekë nga Kuba arritën aty për të ndihmuar.
Irani gjithashtu ka një problem në shtypjen e epidemisë, me më shumë se 2,640 vdekje të konfirmuara.
Ushtria në Teheran, kryeqyteti iranian, ka ndërtuar një spital për 2,000 pacientë. Gjithashtu, spitalet e përkohshëm u ndërtuan në qytete të tjera.
Brazili ka më shumë se 4,250 raste të virusit koronar, me 136 vdekje. Aty, stadiumi “Pakaembu” në Sao Paulo është kthyer në një spital të përkohshëm me 200 shtretër.
Ndërtimi i një spitali fushor në Rafah, Rripi i Gazës, filloi në mes të marsit.
Kombet e Bashkuara paralajmërojnë se sistemi shëndetësor i goditur nga varfëria në territoret palestineze mund të çojë në shpërthim katastrofik të koronavirusit në Gaza.
Spanja ka raportuar një rritje të vdekjeve ditë pas dite, duke u shndërruar në një epiqendër të re në Europë pas Italisë.
Në Florida, SHBA, 250 shtretër spitalorë janë instaluar në një shesh rajonal, ndërsa një tjetër spital fushor po ndërtohet në Aeroportin Fort Lauderdale.
Ndërkohë, anija e Marinës Comfort që i përket Marinës amerikane lundroi për në Neë York për të ndihmuar në adresimin e epidemisë atje.
Anija ka një kapacitet prej 1.000 shtretërish. /tesheshi.com/
