Udhëheqësit globalë kanë bërë thirrje për një qasje holistike në trajtimin e pasojave të pandemisë së re të virusit koronar, për të cilën shefi i Organizatës Ndërkombëtare të Punës (ILO) Guy Ryder tha se e ka shtyrë botën e punës në një “krizë të paparë”.
“Le të jetë e qartë: nuk është çështje e zgjedhjes midis shëndetit ose biznesit dhe ekonomisë. Eshtë e ndërthurur e gjitha: ose ne fitojmë në të gjitha frontet, ose humbasim në të gjitha frontet”, tha Sekretari i Përgjithshëm i KB, Antonio Guterres në samitin e ILO, mesazhi i të cilit shkon për dhjetëra krerë shtetesh dhe qeverish.
Kreu i Organizatës Botërore të Shëndetit (OBSH), Tedros Adhanom Ghebreyesus, tha në samit se bota ka një detyrë të veçantë: të mbrojë miliona punonjës të shëndetit në vijën e parë në përballje me rritjen e rasteve të infeksionit, gjithashtu dhe vdekjeve.
“Së bashku ne kemi për detyrë t’i mbrojmë ata që na mbrojnë,” tha ai.
Parashikimet për tregun global të punës në gjysmën e dytë të vitit 2020 janë “shumë të pasigurta”, dhe rikuperimi i vlerësuar nuk do të jetë i mjaftueshëm për të kthyer shkallën e punësimit në nivelet e para krizës këtë vit”, tha ILO javën e kaluar.
Agjensia e KB tha që rënia globale e orarit të punës ishte “dukshëm më e keqe sesa vlerësohej më parë” në gjysmën e parë të vitit. /tesheshi.com/
