Pas një seri studimesh që, një nga një, shpartalluan shpresat se popullsia njerëzore do të fitonte imunitet kolektiv ndaj koronavirusit, një kthesë vjen në formën e hulumtimit nga Universiteti i Oksfordit.
Studiuesit nga ky universitet prestigjioz britanik pohojnë se disa njerëz tashmë kanë një imunitet të lartë ndaj virusit SARS-CoV-2, edhe pse ata kurrë nuk janë infektuar me të. Ata shënojnë se Mbretëria e Bashkuar mund të ketë arritur tashmë një nivel të mjaftueshëm të imunitetit kolektiv për të parandaluar një valë të dytë të koronavirusit.
Ata pohojnë për prova që sugjerojnë se ekspozimi ndaj koronaviruseve sezonale, të cilat shkaktojnë ftohje sezonale, tashmë u ka dhënë disa personave një imunitet ndaj SARS-CoV-2, duke vërejtur se disa njerëz janë ndoshta më rezistentë natyralisht ndaj infeksionit.
Duke u munduar të përcaktojnë sesi nivele të ndryshme të imunitetit ekzistues midis individëve mund të ndikojnë në “pragun” e përgjithshëm të nevojshëm për të marrë imunitet kolektiv, ata zbuluan se kjo mund të ishte deri në 20 përqind.
“Mendimi i përgjithshëm është se një prag imuniteti kolektiv është i nevojshëm për të ndaluar përhapjen e virusit SARS-CoV-2 mbi 50 përqind për çdo mjedis epidemiologjik. Këtu tregojmë se ky prag mund të ulet shumë nëse një pjesë e popullatës nuk është në gjendje të transmetojë virusin për shkak të rezistencës së lindur ose mbrojtjes së tërthortë nga ekspozimi ndaj koronaviruseve sezonalë,” shkruan Jose Lourenco, Francesco Pinotti, Craig Thompson dhe Sunetra Gupta, shkencëtarë nga Universiteti i Oksfordit,.
Siç shtuan ata, këto rezultate mund të shpjegojnë ndryshimet e mëdha në numrin e të infektuarve dhe të vdekurve midis vendeve dhe rajoneve, dhe sugjerojnë që tashmë është e mundur të vendoset imunitet kolektiv të mjaftueshëm për të lehtësuar ndjeshëm një valë të dytë të mundshme.
Gabriele Gomez, një profesore e matematikës dhe statistikave në Universitetin e Stratslid, përdori llogaritjet e ngjashme dhe vendosi pragun për marrjen e imunitetit kolektiv në 20 përqind.
Për sëmundjet për të cilat është në dispozicion një vaksinë, pragu i imunitetit kolektiv përcaktohet me supozimin se të gjithë kanë të njëjtin nivel imuniteti – të ashtuquajturit “model homogjen”. Sidoqoftë, studiuesit Gomez dhe Oxford po përdorin një “model heterogjen” që supozon se ekzistojnë nivele të ndryshme të imunitetit në popullatë. Dy modele mund të kenë rezultate krejtësisht të ndryshme.
“Nuk ka pse të ketë shumë ndryshime në popullatë për të ngadalësuar në mënyrë drastike përhapjen e virusit. Fillimi i epidemive duket i ngjashëm, por në një popullsi heterogjene individët nuk infektohen rastësisht. Ne gjithmonë marrim një përqindje nën 20 përqind”, ha Gomez për Atlantik. /tesheshi.com/
