Kreu demokrat Basha ishte në një biznes në Fushë Krujë – mobileri – ku u përball me pronarin i cili kishte mundur të mbajë të gjithë punëtorët në punë.
“Më vjen shumë mirë që ke bërë një sakrificë personale për të mbajtur punëtorët në punë. Kjo që ka ndodh me ty është përjashtim. Pak njerëz ia kanë dalë t’i mbajnë punonjësit në punënë këtë kohë pandemie. Gjendja ekonomike po vjen drejt përkeqësimit. Duhet një mbështetje e menjëhershme për ata që kanë humbur vendet e punës, pasi shumica e kompanive janë detyruar të largojë punonjës”, tha Basha.
Sipas tij, zgjidhje gjendet te një program rimëkëmbje i PD-së.
“Kemi propozuar të rishihet skema e garancisë sovrane. Jo për ty por se t’i ke investuar nga xhepi jot për t’i mbajtur punëtorët t’i jepet 200 mijë lekësh i vjetër për 6 muaj për çdo punëtor që rimarin në punë dhe 1 mijë euro për biznesin e vogël”, tha Basha dhe shtoi në dialog me pronarin:“Unë të jap fjalën që prioriteti numër 1 për mua dhe për PD është mbështetja e sipermarrjes. Po nuk mbështetem sipërmarrjen, nuk ka punësim, pa punësim s’ka konsum. Po nuk mbështetet këto tri hallka nuk ka rritje ekonomike”. /tesheshi.com/
