Vota e emigrantëve do të jetësohet, pavarësisht se mund të jetë një numër i frikshëm për sistemin zgjedhor këtu. Gjithashtu do të krijohet agjensia për diasporën, një kanal i TVSH do t´I kushtohet atyre, sikundër edhe një fond për investimet.
Deklaratat u bënë nga ministri për Diasporën në qeverinë “Rama2”, Pandeli Majko, i cili ka prezantuar strategjinë për shqiptarët që jetojnë dhe punojnë jashtë vendit.
“Do të krijohet agjencia për diasporën, e cila do të jetë nën përgjegjësinë e kryeministrit. Shqipëria dhe Kosova mbulojnë së bashku një projekt mjaft të gjerë të diasporës. Plani për diasporën duhet të nisë zbatimin menjëherë. Do jetësohet vota e emigrantëve, pavarësisht se do të jetë e frikshme për sistemin tonë.
Do të krijohet gazeta për diasporën dhe shumë shpejt do jetë dhe kanali TVSH 3 që do iu kushtohet problemeve të diasporës.
Gjithashtu do të krijohet një një fond garancie, që do të shërbejë për kreditë e nevojshme të investimit”, tha Majko. /tesheshi.com/
