Pak orë nga shpërthimi i “bombës” Panorama Papers, 16 mijë islandezë kanë firmosur peticionin në të cilin kërkojnë “kokën” e kryeministrit Sigmundur Gunnlaugsson, i cili për momentin është përgjigjur se nuk i ka marrë në konsideratë këto protesta.
Për kryeministrin është kërkuar mocion mosbesimi, e cila ditën e sotme do të arrijë në Parlament, ndërkohë që mes qytetarëve është rritur tensioni. Të shumtë kanë qenë manifestuesit e mbërritur në Rejkjavik, të cilët protestojnë përpara selisë së Parlamentit dhe i kërkojnë Kryeministrit një hap pas.
Sipas dokumenteve të studios ligjore Mossack Fonseca thuhet se Gunnlaugsson posedonte bashkë me gruan një kompani ofshore që nuk e kishte deklaruar kurrë, në ishujt Vergine. /tesheshi.com/
