Opozita e Maqedonisë ka akuzuar presidentin e këtij vendi Gjeorgje Ivanov se ka fshehur paratë në Panama.
Një eksponent i Lidhjes Socialdemokrate, përkatësisht zëdhënësi i tij, ka paraqitur përpara medias disa dokumente ku aludohet lidhja e familjarëve të Ivanovit, përkatësisht kunatit të tij me kompaninë “Mosac Fonseca”.
Zëdhënësi i LSDM Shilegov tha se kompania “Delfino travel Ballkan”, pas publikimit të aferës së Panama Pappers është fshehur në regjistrin qendror të Maqedonisë, për të humbur çdo gjurmë.
“Ivanov, njeriu i cili ka amnistuar bandën kriminale të Nikolla Gruevskit, është drejtpërdrejt i lidhur me kompani biznesi në Panama. Vëllai i Maja Ivanovës, Shasho
Tonevski ka një biznes me një kompani “LIP Corp Panama City” nga Panamaja. Kjo kompani është aksionere të Delfino Travel që kontrollohet nga Sasho Tonevski vëllai i
Maja Ivanovës. Vetëm përpara disa ditësh, në kohën kur u bë publik skandali me pastrimin e parave në kompanitë e Panamësë “Delfino është fshirë nga regjistri qendror”, deklaroi Petre Shilegov, zëdhënës i LSDM-së.
Ky denoncim vjen në një kohë që presidenti Ivanov, i cili deri më tani ka qenë në hije të zhvillimeve politike, ka dalë haptazi në krah të pushtetit me aktin e amnistisë ndaj politikanëve nën akuzë pas aferës së përgjimeve. Kjo ka bërë që edhe kreu i shtetit maqedonas, të jetë tashmë në shënjestër e akuzave të opozitës. Y.P – /tesheshi.com/
