Kryeministri britanik David Cameron i ka cilësuar si “ofensiva tërësisht të pavërteta” akuzat kundër babait të tij të dala nga “Panama papers”.
“Ishte një punëtor i madh dhe një baba i jashtëzakonshëm. Unë jam krenar për të dhe për gjithçka që ai ka bërë”, – ka thënë Cameron duke mbrojtur të atin Ian, i cili ka ndërruar jetë në vitin 2010.
David Cameron është shprehur se ka shitur kuotat e fondit Blairmore përpara se të bëhej Kryeministër “sepse donte të evitonte një konflikt interesi”. Kryeministri ka premtuar ndër të tjera për një veprim të fortë të qeverisë kundër evazionit fiskal ndërkombëtar.
Sipas kundërshtarëve, David Cameron nuk e kupton kur njerëzit janë të acaruar në Britaninë e Madhe për shkak të rrëfimeve të dala nga fondi ofshore i familjes së tij në Panama.
Kështu është shprehur lideri i opozitës laburiste, Jeremy Corbyn, duke replikuar me kryeministrin konservator në parlament. “Nën qeverisjen e tij kemi kaluar 6 vjet me masa shtrënguese”, – akuzon Corbyn. /tesheshi.com/
