Nga data 9 deri më 11 nëntor do të mbahet në Itali një panair aspak i zakontë, i kushtuar atyre që jetojnë në qytet me një kafshë shoqëruese.
Në Itali ka rreth shtatë milionë qen dhe shtatë milionë e gjysmë mace ndër kafshët shtëpiake më të zakonshme, të cilat praktikisht janë pjesë e familjeve ku jetojnë. Sipas një sondazhi, në 31.3 për qind të rasteve, marrëdhënia përshkruhet nga pronaret e këtyre kafshëve si “një lidhje e domosdoshme”.
Megjithatë, të jetuarit në qytet nuk është e lehtë për një kafshë shtëpiake, pasi ka nevojë për hapësirë të madhe dhe një përkujdesje të vazhdueshme.
Ky aktivitet zhvillohet si pjesë e panairit “Weekend Donna”, kushtuar pasioneve të femrave. Në fakt, janë femrat ato që zgjedhin më shumë që të jetojnë me një kafshë shtëpiake. Në 73.3 për qind të rasteve janë femrat ato që kujdesen për kafshët shtëpiake. /tesheshi.com/
