Ai vetë thotë se nuk arrin ta besojë, por “djaloshi veteran” Roger Federer, ka arritur sërish finalen e Ëimbledon. 36-vjeçari (i mbush në gusht), ka mundur në gjysëmfinale çekun Thomas Berdych, 3 me 0, duke kaluar në pretendimin për ta fituar për herë të 8-të, turneun prestigjoz të barit.
Mbreti Roger ka vrapuar pa ndjerë shqetësimin e viteve dhe me goditjet e klasit, ka bërë shpesh të entuziazmohen tifozët, e të tundë kokën kundërshtari, që me gjeste ka thënë se nuk ka ç’i bën. Habi ka bërë dhe dëshira ende e pacënuar nga trofetë e Federer, i cili është shfaqur shumë i emocionuar edhe në konferencën e shtypit.
Zvicerani nuk ka shprehur ndonjë interes të veçantë, kur është ngacmuar, nëse ka ambicje të rikthehet numri 1 i renditjes botërore.
“Me pikët merren njerëzit e caktuar për këtë punë, mua nuk më intereson shumë. Ndërsa pyetjes insistuese të gazetarëve për motivimin dhe mënyrën argëtuese të të luajturit, 36 vjeçari i është përgjigjur thjeshtë: “është çështje dashurie”. I madh Federer…në fushë, jo në moshë…se pas çdo fitoreje gati qan si kalama. /tesheshi.com/
