Robert Kipkemboi i Kenias dhe Sechale Dalasa i Etiopisë fituan edicionin e 44-të të Maratonës së Stambollit të dielën.
Maratona e njohur si “Maratona e vetme ndërkontinentale në botë” u mbajt për herë të 44-të.
Atleti kenian Robert Kipkemboi ishte i pari me një kohë prej 2 orë 10 minuta e 18 sekonda në kursin 42,195 kilometra, i cili filloi 250 metra përtej “Urës së Dëshmorëve të 15 korrikut” në anën aziatike dhe përfundoi në sheshin Sultanahmet.
Marius Kimutai i Bahreinit ishte i dyti me një kohë prej 2 orë 10 minuta e 27 sekonda, ndërsa keniani Sila Kiptoo ishte i treti me një kohë prej 2 orë 11 minuta e 42 sekonda.
Atletja etiopiane Sechale Dalasa në kategorinë e femrave e përfundoi garën në vendin e parë me një kohë prej 2 orë, 25 minuta e 54 sekonda.
Vendi i dytë dhe i tretë u takuan grave etiopiane. E dyta ishte Melesech Tsegaye me kohën 2 orë 29 minuta e 1 sekondë, ndërsa vendi i tretë Ethlemah Sintayeh.
56 vrapues elitarë morën pjesë në Maratonën e 44-të Ndërkontinentale dhe fituesit në të dyja garat u shpërblyen me një çmim prej 20,000 dollarë secili. Fituesit e vendit të dytë u shpërblyen me nga 10,000 dollarë secili, ndërsa vendi i tretë me 6,000 dollarë.
Maratona e Stambollit, një garë në distanca të gjata dhe e vetmja maratonë ndërkontinentale në botë, u mbajt në tre kategori: në 42195 metra dhe në 15 kilometra e 8 kilometra. /tesheshi.com/
