Bëhen tetëmbëdhjetë vjet nga ekzekutimi i Saddam Husseinit, liderit irakian i cili sundoi për 24 vjet përpara se regjimi i tij të rrëzohej përfundimisht nga amerikanët. Ai u kap – pas një gjuetie nëntë mujore – në bodrumin e një ferme pranë Tikritit më 13 dhjetor 2003.
Huseini u dënua me vdekje me varje tre vjet më vonë pasi u shpall fajtor për krime kundër njerëzimit nga Gjykata Speciale e Irakut për masakrën e Duxhailit – vrasjen e 148 shiitëve irakianë në qytetin e Duxhailit në vitin 1982 si hakmarrje për një atentat ndaj tij.
Imazhet e Saddam Huseinit me një këmishë të bardhë dhe një pallto të zezë që po çohej në trekëmbësh bënë xhiron e botës më 30 dhjetor 2006. Edhe pse ai ishte një hap para vdekjes, ajo që befasoi publikun ndërkombëtar ishte vështrimi i tij i qetë. Asgjë nuk e tradhtonte frikën e fundit. Menjëherë pas kësaj Saddam Hussein u var, sipas dënimit të vendosur ndaj tij nga një gjykatë irakiane.
This day in history: On Dec 30, 2006, Saddam Hussein, former dictator of Iraq, was executed by hanging after being convicted of crimes against humanity. His death marked a turning point in Iraq's turbulent post-war era. pic.twitter.com/VLGnAv68i6
— Suetonius the Younger (@SuetoniusMinor) December 30, 2024
Qeveria irakiane publikoi një video zyrtare të ekzekutimit të tij, e cila tregon momentin kur ai çohet në trekëmbësh dhe ndërpritet pasi litari i kalon në qafë. Megjithatë, pati një protestë ndërkombëtare kur u shfaq kjo video me celularin që regjistronte momentin e ekzekutimit. Videoja tregon Sadamin i rrethuar nga burra duke e sharë në arabisht dhe duke lavdëruar klerikun shiit Moqtada al-Sadr. Trupi i Sadam Huseinit u kthye në vendlindjen e tij, Al-Awja, afër Tikrit, më 31 dhjetor dhe u varros pranë varreve të anëtarëve të tjerë të familjes së tij.
Pas lajmit për vdekjen e diktatorit prej shumë kohësh, televizioni irakian transmetoi vazhdimisht imazhe triumfi dhe gëzimi nga qytetarët që kishin dalë në rrugët e Bagdadit për të festuar. I kënaqur ishte edhe kryeministri i atëhershëm i Irakut, Nouri Al Maliki: drejtësia e kishte kryer detyrën e saj në emër të popullit irakian. Nga ana e tij, presidenti i atëhershëm i SHBA-së, Xhorxh Bush, foli për një “një moment historik në rrugën drejt demokratizimit”.
Me vdekjen e Huseinit, shumë besuan se kjo do t’i hapte rrugën një të ardhmeje më të mirë Irakut, pritshmëri që, për disa, u rrëzuan në vitet në vijim. /tesheshi.com/
