Ka marrë fund dhe saga e godinës së Teatrit Kombëtar, startuar më shumë se 20 vite më parë, që kur ish-ministri i atëhershëm i Kulturës, më pas kryetari iBashkisë, e sot kryeministër, Edi Rama, shpalli vizionin e tij për një godinë te re në vend të së vjetrës.
Mëngjesin e kësaj të diele, fadromat e ndërtimores rafshuan produktin italian të viteve të fashizmit, ndërtuar me tjetër funksion, me përkohshmëri ekzistence, por që në vite do shndërrohej në Teatër Kombëtar.
Prej më shumë se 2 vitesh, një grup individësh, aktorë, regjisorë, si dhe nga shoqëria civile, ishin bërë barrikadë për të mos lejuar prishjen e godinës së vjetër, me pretendimin e një vlere të trashëgimisë kulturore. Por nga ana tjetër, ishin shumë kolegë të tyre që pretendonin të kundërtën dhe kërkoni teatër të ri.
Aksioni i prishjes u shoqëria me ndërhyrje të ashpra policore, ku u shoqëruan krerë të anti-prishjes, por dhe emra nga politika, siç gruaja e LSI-së, Monika Kryemadhi.
Pushteti – Qeveri e Bashki – ishte përbetuar se godina e vjetër do shembej me patjetër, për t’u ndërtuar në vend të saj e reja. Sot, kjo u bë realitet. Së paku deri më tani.
Tashmë, është konfirmuar se teatri i ri do jetë një model futurist, projekt i arkitektit me emër botëror, danezit Bjarke Ingels. /tesheshi.com/
https://www.facebook.com/Agjencia.Telegrafike.Shqiptare/videos/248278346417336/?t=0
