Makina e Volodymyr Zelensky-t u përfshi në një aksident trafiku në Kiev, raportoi pak kohë më parë Reuters, duke cituar një përfaqësues të presidentit të Ukrainës.
Sipas një postimi të Serhiy Nikiforov në Facebook, presidenti ukrainas Volodymyr Zelensky nuk është lënduar rëndë.
“Në Kiev, një makinë u përplas me makinën e presidentit të Ukrainës dhe automjetet e rrethit të tij. Mjekët që shoqëronin kreun e shtetit i dhanë ndihmën e parë drejtuesit të makinës dhe e dërguan në ambulancë. Presidenti u ekzaminua nga një mjek, nuk u konstatua asnjë lëndim serioz. Policia po heton rrethanat në të cilat ka ndodhur aksidenti”, tha ai në postimin e tij.
BREAKING:
Zelensky has been evaluated by doctors after a car crash.
Fortunately, the Ukrainian President didn’t suffer any injuries. https://t.co/eABUW0f7Iz
— Visegrád 24 (@visegrad24) September 15, 2022
Pak minuta pasi deklarata e Nikiforov u bë publike, zyra e Zelensky dërgoi videon e fjalimit të natës që ai mban çdo ditë.
“U ktheva nga Kharkiv, nga zonat e çliruara. Nga sot pothuajse e gjithë zona është e çliruar. Ishte një lëvizje e paprecedentë nga luftëtarët tanë – ukrainasit përsëri arritën të bëjnë atë që shumë e konsideronin të pamundur. Vetëm në ditën e parë të aksioneve aktive, trupat tona përparuan 19 km. Në pesë ditë luftime kaluan 110 km.
Në total janë rimarrë gati 400 vendbanime. 150 mijë ukrainas që mbetën në këtë territor tani ndihen sërish të sigurt dhe i janë kthyer jetës së tyre normale…
Falënderoj kolonelin Alexander Sirsky dhe oficerët e shtabit shtetëror – të gjithë ata që planifikuan dhe kryen me sukses operacionin ushtarak për çlirimin e rajonit të Kharkivit.
Flamuri ukrainas do të kthehet në të gjitha pjesët e shtetit tonë. Ashtu si në rajonin e Kharkiv, ushtarët ukrainas do të takohen në Donbass, jug dhe Krime. Kjo do të jetë e nevojshme”, thotë ndër të tjera presidenti ukrainas në ditën e 203-të të luftës në vendin e tij. /tesheshi.com/
