Kryetarja e Gjykatës së Elbasanit Enkeleida Kapedani do hetohet nga ILD, pasi ka pozuar në mënyra të pahijshme nga vendi i punës.
“Zyra e Inspektorit të Lartë të Drejtësisë u njoh me materialet filmike të shpërndara në media mbi magjistraten E. K, kryetare e Gjykatës Elbasan.
Inspektori i Lartë i Drejtësisë Artur Metani ka urdhëruar nisjen e hetimit disiplinor ndaj magjistrates për rastin”, thuhet në njoftimin e ILD.
Fjala është për skena që vetë ajo thuhet se ka publikuar në Tik-Tok, duke u shfaqur e shpenguar në shumë forma e mënyra, krejt pabesueshmërisht në raport me postin e lartë që mbën në nivelet e drejtësisë. Aq më tepër në një qytet si Elbasani.
Reagimi i vetëm i saj deri më tani është se nuk ka Tik Tok e se kjo gjithçka ka si synim përbaltjen e figurës së saj.
Në fakt, duket vërtet e pabesueshme që një kryetare gjykate, edhe nëse nuk ofronte skena të tilla në public, të kishte në sjellje të tillë qoftë dhe në jetën private.
Pesha e detyrës të frenon etikisht diçka të tillë. /tesheshi.com/
