Pamje tronditëse nga Argjentina me “happy end”

E pabesueshme por e vërtetë. Kamerat e sigurisë në një stacion treni në Buenos Aires kanë kapur një incident që është i vështirë për t’u kuptuar nga mendja njerëzore.

Sipas The Sun, pamjet tregojnë pasagjerët duke pritur trenin. Një femër, teksa priste në platformë, alivanoset dhe bie në shina.

Ajo ra në hendekun midis vagonëve dhe platformës, por që   mbijetoi për mrekulli.

Thuhet se kur u përmend pasi u nxorr prej ku kish rënë, gjëja e parë që tha ishte: “Nuk e di si jam gjallë”.

Vajza më pas u transportua me një karrocë me rrota në një ambulancë që tashmë ishte thirrur nga pasagjerët. Në spitalin ku ajo trajtohej, mjekët e ekzaminuan dhe më pas e lëshuan pasi i thanë se ishte jashtë rrezikut për jetën.

Lidhur me përvojën e saj traumatike, e cila fatmirësisht pati një fund të lumtur, vajza e quajtur Candela foli në një televizion argjentinas:

“Papritmas më ra presioni i gjakut dhe më ra të fikët. U përpoqa të paralajmëroja njeriun që kisha përballë, por nuk mbaj mend asgjë tjetër, as momentin kur rashë në shinat e trenit. Nuk e di si jam ende gjallë”, theksoi ajo. /tesheshi.com/