Afro 50 persona, kryesisht emigrantë të Amerikës Qendrore, humbën jetën pas përmbysjes së një kamioni në shtetin jugor meksikan të Chiapas, brenda të cilit ata ndodheshin, në një nga aksidentet më të rënda trafiku në vend në vitet e fundit.
Aksidenti ndodhi kur kamion i madh me rimorkio u përmbys në një kthesë të rrezikshme jashtë qytetit të Tuxtla Gutierrez, tha kreu i agjencisë së mbrojtjes civile Chiapas, Luis Manuel Garciaa.
Midis jetëhumburve janë burra, gra dhe fëmijë, shtoi Garcia në një intervistë për televizionin Milenio.
Aksidenti gjithashtu la të plagosur dhe po aq, pasi bëhet fjalë për afro 110 persona që ndodheshin në automjetin fatal.
Emigrantët që ikin nga varfëria dhe dhuna në Amerikën Qendrore zakonisht udhëtojnë përmes Meksikës për të arritur në kufirin e SHBA-së, dhe nganjëherë futen në kamionë të mëdhenj të organizuar nga kontrabandistët në kushte jashtëzakonisht të rrezikshme. /tesheshi.com/
