Një ngjarja e rëndë u shënua në Leposaviq, me serbë të tërbuar që sulmuan mediat e Kosovës, duke keqatrajtuar në veçanti një kameraman, të cilit ia thyen dhe kamerën.
Kjo ndodhi teksa ministri Elbert Krasniqi po largohej nga komuna me automjet, aty ku vizitoi kryekomunarin e ri Liburn Aliu.
Viktimë e sulmit ishte kameramani i RTK-së, Bardh Bekteshi.
Më herët, në kuadër të zhvillimeve të tensionuara në veri, një gjykatë serbe dha masë paraburgimi për tre policët kosovare të kapur ditë më parë nga forcat serbe, ndodhur kjo në brendësi të territorit kosovar.
Në këtë klima ka ardhur dhe paralajmërimi më i fundit i të dërguarit amerikan.
“Ata që refuzojnë partneritetin, do të përballen me pasojat”, ka thënë Gabriel Escobar në një konferencë për media. /tesheshi.com/
