Protestat kundër masave COVID në të gjithë Evropën nuk ndalen. Fotografitë e përplasjeve midis demonstruesve dhe policisë po publikohen çdo ditë në rrjetet sociale.
Mediat e huaja shkruajnë pas trazirave në Hollandë dhe Danimarkë se ata janë në rrugën e një “lufte civile”.
Protestat në Hollandë patën një imazh shumë të shëmtuar, me djegie automjetesh, qytetarë dhe oficerë policie të plagosur, si dhe një numër i madh të arrestuarish.
Pamjet e fundit nga Eindhoven tregojnë skena të frikshme përplasjesh.
Një grua u plagos rëndë pasi policia e shtyu atë me një top uji në një mur betoni.
Trazirat filluan në përgjigje të një mase ndalimi të diktuar nga qeveria hollandeze, e cila hyri në fuqi në 23 Janar.
Një shtetrrethim nate, i pari në vend që nga Lufta e Dytë Botërore, kufizon lëvizjen e banorëve nga ora 21:00 deri në 4:30 të mëngjesit, me disa përjashtime.
Masa u vendos pasi i ashtuquajturi lloji britanik i koronavirusit u regjistrua në Hollandë, i cili rriti numrin e shtrimeve në spital dhe bëri që Instituti Kombëtare të Shëndetit (RIVM) të paralajmëronin për një valë të re infeksioni.
Hollanda tashmë ka qenë nën masa të rrepta mbylljeje, ku baret dhe restorantet janë kyçur që nga tetori. Që nga dhjetori, shkollat dhe dyqanet jo thelbësore janë mbyllur gjithashtu.
Ndërkohë, një vendim i masave të tjera kufizuese pasoi një krizë politike pasi kryeministri Mark Rutte dha dorëheqjen për shkak të një skandali. Kabineti i tij do të vazhdojë të funksionojë deri në zgjedhjet e ardhshme, 17 mars, të cilat kanë marrë rëndësi pas trazirave.
Evropa është ende rajoni më i prekur në botë, pasi ka më shumë raste të infeksionit dhe më shumë vdekje se çdo kontinent tjetër. /tesheshi.com/
