Pamje: stuhia "godit" papritmas anijen turistike

Karriget dhe shezlongët fluturojnë në ajër dhe pasagjerët vrapojnë për siguri

Një stuhi e fortë verore kaloi përmes Port Canaveral, Florida, pikërisht kur pasagjerët kishin filluar të hipnin në anijen e lundrimit Independence of the Seas të Royal Caribbean.

Videot që qarkullojnë në internet tregojnë shezlongët dhe karriget që fluturojnë në ajër ndërsa pasagjerët e tmerruar vrapojnë për siguri. Era ishte aq e fortë sa shumë kishin vështirësi në ecje dhe u detyruan të zvarriteshin përgjatë kuvertës.

“Ishte një tmerr. Më dukej si një skenë nga filmi Twister, kjo është pikërisht ajo që mendova, sepse i shihni këto karrige duke fluturuar në ajër”, tha një pasagjer.

Passengers and crew unprepared as storm hits Royal Caribbean cruise ship. Storm was over in four minutes. pic.twitter.com/008jlzxqZj

— Mike Sington (@MikeSington) June 22, 2023

Kompania tha në një deklaratë se nuk kishte lëndime serioze në pasagjerë apo anëtarë të ekuipazhit. Stuhia e shkurtër e verës nuk ka ndikuar në funksionimin e lundrimit dhe nisja ka vijuar normalisht. /tesheshi.com/