“Little Amal”, një kukull e madhe “simbol i refugjatit”, shëtiti në sheshin e famshëm Times Square të New York-ut, si pjesë e fushatës për ndërgjegjësimin e opinionit publik ndërkombëtar për fëmijët refugjatë që janë ndarë nga familjet.
Kukulla 3.6 metra e gjatë Amal, emri i së cilës në arabisht do të thotë “shpresë”, filloi udhëtimin e saj nga kufiri Siri-Turqi në korrik 2021, takoi refugjatët ukrainas në të gjithë Evropën dhe në ditët në vijim do të vizitojë New York-un.
Amal përfaqëson një vajzë 10-vjeçare në kërkim të nënës së saj, e cila e la për një kohë të shkurtër në kërkim të ushqimit dhe nuk u kthye më, shpjegon Peter Avery, drejtor arti i Neë York-ut dhe producent i organizimit “Little Amal Walks New York”.
An exceptional embrace with Little Amal, finally at UN in New York, after her epic journey from the Syrian-Turkish border. Amal is 10 and a refugee. She speaks for all refugees, for all the invisible children.
We embraced her. As we should all who seek refuge and comfort. pic.twitter.com/ZROaGil1dg— Abdel-Rahman Ghandour (@ARAGhandour) September 17, 2022
Interpretuesit e Broadway-t dhe rreth 200 studentë i bënë serenadën Amal për ta qetësuar, ndërsa ajo kalonte sheshin plot zhurmë në metropolin amerikan.
“Të shohësh një vajzë të vogël… refugjate nga Siria duke u mirëpritur si një yll rock në të gjithë botën, është zemërgjerësi,” tha Eric Sirakian, i cili luan në shfaqjen e Broadëay-it “Kites Over the City”.
Amal është një krijim i frymëzuar i Handspring Puppet Company nga Afrika e Jugut. Ajo vjen në jetë falë një kukullisteje, e cila është brenda saj dhe kontrollon shprehjet e saj të fytyrës. Çdo krah i kukullës lëvizet nga kukullues të jashtëm.
Mesazhi i Amalit të vogël për botën është “Mos na harroni!”, ka theksuar Avery. /tesheshi.com/
