Një shqiptare me banim në Australi, Eva Buzo, 35 vjeçe me profesion avokate, përshkoi me not distancën Otranto-Vlorë, 91 km.
Kryeministri Rama ndau në rrjetet sociale momente gjatë kësaj aventure detare, e cila të kujton të famshmin Paolo Pinto në vitet ‘90.
“Sensacionale. Sot 35-vjeçarja, Eva Buzo duke notuar nga Otranto për në Vlorë”, shkruoi Rama.
“Janë 91 kilometra dhe është hera e parë që ndërmerret një iniciativë e tillë dhe është certifikuar nga maratona ndërkombëtare”, tha Buzo për mediat.
Rekordi i saj është 25 orë dhe 90 minuta, vendosur korrikun e kaluar, në një liqen në Gjenevë.
Buzo ka lindur në Australi dhe lidhja që ka me Shqipërinë është shumë e fortë, edhe pse nuk flet shqip.
Ajo është angazhuar masivisht me problematika sociale, në mbrojtje të të drejtave të njeriut.
Ka përvojë pune në Afrikën Lindore, Azinë Jugore dhe Australi. /tesheshi.com/
