Ora është 6:02 minuta. Aty kalojnë dhe makina, sigurisht civile. Trafiku rrjedh normalisht, derisa në një moment ndodh një shpërthim në një kamion të bllokuar.
Në pamjet, përveç kamionit, nga i cili duket se ka nisur shpërthimi, aty kalon edhe një makinë tjetër. Me gjasëka dhe viktima.
Kamioni shkaktoi zjarr në rezervuarët e karburantit brenda një treni, i cili po shkonte drejt gadishullit të Krimesë.
Presidenti rus Vladimir Putin ka urdhëruar një hetim zyrtar për shpërthimin, tha zëdhënësi i Kremlinit Dmitry Peskov.
Më herët, komiteti rus anti-terrorist foli për hedhjen në erë të një automjeti të montuar me eksploziv. “Ura ishte vetëm fillimi”, shkroi në Tëitter këshilltari i Volodymyr Zelensky, Mikhail Podoliak, i cili gjithashtu publikoi një foto me një pjesë të aksit rrugor të urës të zhytur në ujë.
Tashmë, pas publikimit të videos, shumë në Rusi po flasin drejtpërdrejt për një akt terrorist që mund t’i atribuohet Ukrainës.
Ura ka një rëndësi simbolike dhe strategjike, pasi lidh gadishullin e Krimesë me rrjetin e transportit dhe komunikimit të Rusisë. Ndërtimi i tij ishte i kushtueshëm dhe u bë me urdhër të Vladimir Putin, i cili e përuroi personalisht në 2018, katër vjet pas aneksimit të Krimesë. Aktualisht po lehtëson transferimin e pajisjeve ushtarake ruse te forcat që veprojnë në Ukrainë. /tesheshi.com/
