Ura “Key Bridge” pothuajse tre kilometra e gjatë në Baltimore, në shtetin amerikan të Maryland-it, u shemb gjatë natës pasi një anije mallrash me kontejnerë e goditi atë, raportoi Reuters, duke cituar Fox Baltimore.
BREAKING: Ship collides with Francis Scott Key Bridge in Baltimore, causing it to collapse pic.twitter.com/OcOrSjOCRn
— BNO News (@BNONews) March 26, 2024
Shkalla e dëmtimit të urës nuk dihet menjëherë, shkruan New York Times.
“Të gjitha korsitë janë të mbyllura në të dy drejtimet për shkak të incidentit në urën kryesore I-695. Trafiku është duke u anashkaluar,” tha Departamenti i Transportit në Maryland në një njoftim në Platformën X.
🚨#BREAKING: Mass Casualty has been Declared after a Large Container Ship Collides with Key Bridge Causing it completely Collapse
Currently, numerous agencies, including the Coast Guard and fire department have just declared a mass casualty incident as… pic.twitter.com/vK4M8xW0tg
— Balling Gents 💰🔥🇺🇸🇬🇧 🇨🇳 (@Ballinggent) March 26, 2024
Operacioni i shpëtimit në vazhdim e sipër
Siç raporton BBC, një zëdhënës i Departamentit të Zjarrfikësve të qytetit të Baltimores thotë se ura u shemb në lumin Patapsco pasi u godit nga një anije në orët e para të mëngjesit.
Një operacion shpëtimi me shumë agjenci është duke u zhvilluar.
Shefi Kevin Cartwright, drejtor i komunikimit për Departamentin e Zjarrfikësve të Qytetit Baltimore, tha se “deri në shtatë persona dhe disa automjete” hynë në lumë.
Për momentin nuk ka asnjë informacion zyrtar për viktima të mundshme.
Ura e Francis Scott Key, më e madhja në zonën e Baltimores, është ndërtuar në vitin 1977, është 2.6 km e gjatë dhe vlerësohet të kalohet nga 11.5 milionë automjete në vit me një kosto ndërtimi prej 110 milionë dollarësh. /tesheshi.com/
