Presidenti amerikan Joe Biden ka prodhuar një skenë aspak dinjitoze për të gjatë një ceremonie diplomimi në Akademinë e Forcave Ajrore të SHBA në Kolorado.
Presidenti 80-vjeçar i SHBA-së u pengua dhe ra, në mënyrën më komike të mundshme.
Kolegët nxituan në anën e tij dhe e ndihmuan të ngrihej. Më pas Biden shkoi në vendin e tij, duke mos treguar ndonjë tronditje serioze.
Biden falls on stage at the U.S. Air Force Academy graduation ceremony pic.twitter.com/I8batO1794
— BNO News (@BNONews) June 1, 2023
Ky ka qenë rrëzimi më i fundit publik i Bidenit, me më të dukshmen që ka qenë rënia e tij nga shkallët ndërsa ishte në Air Force One, si dhe verën e kaluar kur ai ra nga biçikleta pranë shtëpisë së tij në Delaware.
Megjithatë, Biden nuk u lëndua në asnjë nga këto incidente.
Joe Biden, presidenti më i vjetër në historinë e SHBA-së, kandidon për rizgjedhje në vitin 2024, pasi mori dritën jeshile nga mjekët që e ekzaminuan atë në shkurt.
Nëntorin e kaluar, një sondazh nga instituti Ipsos në emër të Reuters tregoi se 86% e amerikanëve besojnë se presidenti i Shteteve të Bashkuara nuk duhet të jetë mbi 75 vjeç.
Donald Trump, i konsideruar si favorit për të fituar zgjedhjet presidenciale republikane, pas pak ditësh do të festojë ditëlindjen e tij të 77-të. /tesheshi.com/
