Historia e orangotangut të vogël Joss është me të vërtetë prekëse. E ngelur jetime, e vogla ka zakonin të përqafojë veten në kujtim të përqafimeve dhe ledhatimeve që merrte nga e ëma. Fotot e ëmbla të orangotangut vijnë nga Ketapang në Indonezi.
Në këtë vend Joss u mbajt në mënyrë të jashtëligjshme si kafshë shtëpiake për rreth dy vite, përpara se të dorëzohej në duart e vullnetarëve të International Animal Rescue dhe të Natural Resources Conservation Agency.
Veterinerët mendojnë se largimi nga habitati i saj natyral ka shkaktuar dëme psikologjike të dukshme tek e vogla Joss. Animalistët që e kanë shpëtuar shprehen me më shumë besim se “Jos do të arrijë të jetë sërish e lumtur në atë që është shtëpia e saj e vërtetë, pylli i Borneos”./tesheshi.com/
