Një aeroplan Etihad u detyrua të anulojë ngritjen pasi gomat e tij dyshohet se “shpërthyen” teksa tentoi të ngrihej.
Sipas raportimeve, fluturimi i Etihad Airways (Boeing 787-9), i cili mbante pothuajse 300 pasagjerë, po përgatitej të nisej në rrugën e tij të planifikuar për në Abu Dhabi të dielën, më 5 dhjetor, nga aeroporti i Melburnit në Australi. Por papritmas filloi të dilte tymi nga mjetet e uljes dhe më pas flakët kanë kapur rrotat.
Një zëdhënës i Etihad Airways tha: “Fluturimi EY461 i Etihad Airways nga Melburni (MEL) për në Abu Dhabi (AUH) dështoi të ngrihej më 5 janar 2025. Ekuipazhi vendosi të ndërpresë ngritjen për arsye teknike, avioni u ndal në mënyrë të sigurt në pista dhe shërbimet e urgjencës ishin të pranishme si masë paraprake.”
“Departamenti i zjarrfikësve aplikoi shkumë në goma e pajisjes së uljes së avionit si një masë paraprake rutinë pas një ngritjeje të ndërprerë me shpejtësi të lartë,” shtoi ai.
All the occupants are safe after an Etihad Airways Boeing 787-9 Dreamliner plane (A6-BLN) with 289 passengers on board aborted take-off on Runway 34 after malfunction of the plane's landing gear led to smoke and damage to two of the wheels this afternoon at Melbourne Airport… pic.twitter.com/zb4HtTjMKV
— FL360aero (@fl360aero) January 5, 2025
Dhe, për shkak të incidentit, areroporti i Melburnit pësoi vonesa në oraret e fluturimeve pasi avioni mbeti në pistë. Një zëdhënës i aeroportit tha: “Shërbimet e ambulancës dhe zjarrfikësve iu përgjigjën kërkesës së avionit dhe vendosën shkumë kundër zjarrit si masë paraprake. Të gjithë pasagjerët janë zbarkuar dhe transportuar me autobus për në terminal”.
Për kujtesë, fluturimi 7C2216 i Jeju Air u rrëzua më 29 dhjetor gjatë një ulje emergjente në aeroportin ndërkombëtar Muan në Korenë e Jugut. Nga 181 pasagjerët, 179 vdiqën pasi avioni u rrëshqit në “barkun” e tij, pasi pajisjet e tij të uljes dukej se kishin probleme , përpara se të përplasej me një mur. Dy anëtarë të ekuipazhit i mbijetuan incidentit dhe u dërguan në spital. Ndërkohë që hetimi zyrtar për shkakun e këtij rrëzimi është ende në vazhdim, është zbuluar se kontrolli i trafikut ajror i ka dërguar aeroplanit një paralajmërim “goditje zogu” përpara rrëzimit. /tesheshi.com/
