Bukuria e stadiumit Henningsvær me famë botërore ngjall emocione te tifozët e futbollit në mbarë botën.
Për ata që kanë fatin të luajnë në të, janë erërat e ujit të kripur dhe peshkut në ajër që vijnë nga deti që rrethon stadiumin.
Tingulli i goditjes së një topi, mallkimet dhe thirrjet inkurajuese kumbojnë gjithashtu të shoqëruara nga kënga e shpendëve dhe valët që përplasen në shkëmbinjtë fqinjë.
Për ne të tjerët, është thjesht një festë për sytë. Sipërfaqja e gjelbër dhe e sheshtë bie në sy përballë shkëmbit, detit dhe maleve madhështore përreth, duke krijuar një kryevepër estetike të cilësuar si “stadiumi më i bukur i futbollit në botë”.
Grupi norvegjez i ishujve Lofoten ishte i lidhur me pjesën tjetër të vendit me ura rrugore vetëm në vitin 2007, pasi më parë ato ishin të aksesueshme vetëm me traget. Pavarësisht distancës, ata janë mysafirë të shpeshtë në listat e vendeve në botë që duhen vizituar të paktën një herë në jetë.
Deti rreth Lofoten është një nga zonat më të rëndësishme të peshkimit të Norvegjisë, kështu që nuk është për t’u habitur që banorët janë të angazhuar kryesisht në peshkim dhe përpunim të peshkut.
Lofoten është gjithashtu interesant për tifozët e futbollit për shkak të stadiumit magjepsës. Wembley, Camp Nou apo Maracana janë legjendarë, por stadiumi Henningsvæ, le ta quajmë kështu, në ishullin e fshatit me të njëjtin emër, i cili ka rreth pesëqind banorë, josh me një bukuri të jashtëzakonshme.
Në të luajnë lojtarë rekreativë nga klubi i futbollit Henningsvær IL dhe fëmijë.
Është e mahnitshme që lojtarët arrijnë të mbajnë përqendrimin e tyre duke marrë parasysh bukurinë që i rrethon.
Ishulli shkëmbor është zbukuruar me maja të mprehta, dhe rreth këndit të lojërave ka vetëm një copë asfalti që përdoret për parkim dhe një strukturë druri për tharjen e merlucit. Vetë fshati tërheq vëmendjen edhe për arkitekturën e tij të bukur, shtëpitë prej druri dhe galeritë e vogla të artit. /tesheshi.com/
