Kreu i Wagner-it, grupit famëkeq rus, ka kërcënuar me tërheqje nga frontet e luftës në Ukrainë, i zhgënjyer me Moskën, duke parë humbjet e rënda të forvcave të tij sidomos Bakhmut.
Në një video që ai regjistroi në sfondin e trupave të pajetë të njerëzve të grupit paraushtarak dhe postuar në Telegram, Yevgeny Prigozhin njoftoi se forcat e tij do të largoheshin nga Bakhmuti më 10 maj, duke ua dorëzuar pozicionet e tyre njësive të Ministrisë së Mbrojtjes, pasi mbetja pa municionin e kërkuar ishte e barabartë me një dënim me vdekje të panevojshme.
Duke lëshuar mallkim pas mallkimi, Prigozhin sulmoi ata që ishin përgjegjës për mungesën e municioneve në forcat e Wagner-it, duke rezultuar në humbjen e më shumë jetëve.
Duke përmendur emrin e ministrit rus të Mbrojtjes Sergei Shoigu dhe shefit të Shtabit të Përgjithshëm të Forcave të Armatosura Valery Gerasimov, ai bërtet se ku është municioni dhe i kërkon personit që mban kamerën të “zoom-on” mbi të vdekurit pas tij.
Prigozhin showed fresh losses of Wagner PMC and blamed Shoigu and Gerasimov for them.
He says the ammunition shortage has reached 70% and seems to be on the verge himself. pic.twitter.com/lRiGjApC5n
— Anton Gerashchenko (@Gerashchenko_en) May 5, 2023
“Këta janë njerëzit e Wagner-it të vrarë sot. Gjaku i tyre është ende i freskët! Regjistrojini të gjitha”, dëgjohet duke thënë Prigozhin në fillim të videos, ndërsa kamera kalon në rreshtat e kufomave.
“Ne kemi 70% mungesë municioni. Mbylle gojën! Gerasimov! Ku dreqin janë municionet?’”, pyet kreu i Ëagner-it i tërbuar pak më vonë.
Mungesa e municioneve u citua nga Prigozhin në videon ku njoftonte tërheqjen e mercenarëve nga Bahamuti”.
Siç theksoi ai, që njerëzit e tij të mbeten pa municionet e nevojshme do të thotë t’i dënosh ata me një vdekje të pakuptimtë.
A statement from Wagner PMC group by Prigozhin.
Prigozhin claims that Wagner will leave Bakhmut by May 10 and hand over positions to the troops of the Russian Federation and 'lick their wounds'.
"Because, in the absence of ammunition, they are doomed to a senseless death." pic.twitter.com/WnHdG3pUrk
— NOELREPORTS 🇪🇺 🇺🇦 (@NOELreports) May 5, 2023
Kujtohet se grupi Wagner ka qenë në ballë të përleshjeve kritike në qytetin Bakhmut në Ukrainën lindore prej disa muajsh.
“Këta burra erdhën këtu si vullnetarë dhe po vdesin që të mund të uleni në zyrat tuaja të bukura. Ata janë baballarët e dikujt. Ata janë djemtë e dikujt. Dhe ata bastardë që nuk na japin municionet do ta hanë bukën në ferr”, shton Prigozhin.
Kreu i kompanisë mercenare është ankuar vazhdimisht për mënyrën se si Moska e ka zhvilluar luftën në Ukrainë – të cilën Kremlini e përshkruan si një “operacion special ushtarak” – gjatë 14 muajve të fundit. /tesheshi.com/
