Një zjarr që shpërtheu në periferi të Athinës të shtunën doli jashtë kontrollit, duke dëmtuar shtëpi dhe makina, njoftoi Shërbimi Zjarrfikës.
Some wildfires still burning south of Athens tonight. #Greece. pic.twitter.com/5nQqfK1LCQ
— Savvas Karmaniolas (@savvaskarma) June 4, 2022
Për shkak të erës së fortë, zjarri u përhap shpejt në shpatet e malit Imitos me pamje nga kryeqyteti grek, duke sjellë re tymi në periferitë jugore.
Si masë paraprake, evakuimet filluan në disa pjesë të rajoneve Glyfada dhe Vula, rreth 20 kilometra nga qendra e Athinës.
Një dëshmitar okular i paidentifikuar i tha agjencisë britanike se të paktën dy shtëpi u dëmtuan ndjeshëm nga zjarri.
“Për shkak të erës së fortë veriore, zjarri u përhap shpejt dhe iu afrua qytetit,” tha zëdhënësi Yanis Artopios.
“Kërkojmë nga bashkëqytetarët tanë të kenë shumë kujdes”, shtoi ai.
#Attica – As wildfire grows, large plumes of thick smoke also shifts to cover over southern #Athens https://t.co/ZLyv7Gnr2P
— CyclistAnons🚲 (@CyclistAnons) June 4, 2022
Më shumë se 130 zjarrfikës, me ndihmën e gjashtë avionëve zjarrfikës dhe katër helikopterëve, po përpiqen të shuajnë zjarrin, i cili ka më shumë se shtatë orë që digjet.
Një numër i madh zjarresh pyjore verën e kaluar dogjën rreth 300,000 hektarë pyje dhe bimësi në pjesë të ndryshme të Greqisë. /tesheshi.com/
