Një ishull i vogël u shfaq pas një sërë shpërthimesh vullkanike nënujore që filluan në tetor pranë ishullit japonez të Iwoto-s, 1200 kilometra në jug të Tokios.
Shkencëtarët japonezë konfirmuan se shpërthimet freatomagmatike – një lloj shpërthimi që rezulton nga ndërveprimi i magmës me ujin – ndodhën rreth një kilometër larg nga Iguoto, duke formuar një ishull rreth 100 metra në diametër.
Retë tymi dhe hiri mbi 50 metra të larta ngriheshin çdo pak minuta gjatë shpërthimeve. Gjithashtu, gurë të mëdhenj hidheshin në ajër.
❗️The youngest island on the planet 🌋
The first images of the wonderful underwater #eruption that occurred off the coast of the #island of #IwoJima, in #Japan, are beginning to emerge.
The accumulation and consolidation of volcanic material expelled by explosive activity has… pic.twitter.com/zkbbCTTIPA
— Noapte de Noapte (@NoaptedeNoapte) November 6, 2023
Iwoto njihej më parë si Iwo Jima, por u riemërua nga autoritetet japoneze në vitin 2007. Aty ishte skena e një prej betejave më të përgjakshme të Luftës së Dytë Botërore midis japonezëve dhe amerikanëve.
Është një nga 111 vullkanet aktive të Japonisë, i vendosur pranë një ishulli tjetër të ri që u formua pas një shpërthimi në 2021.
Agjencia meteorologjike e Japonisë, vëren Guardian, tha se shpërthime të ngjashme ishin parë pranë Igotos vitin e kaluar midis korrikut dhe dhjetorit dhe këtë vit në qershor.
Ishulli i ri, thonë shkencëtarët japonezë, mund të rritet dhe të ndryshojë formë nëse shpërthimet vazhdojnë, por gjithashtu mund të zhduket nën valë. Ishujt u formuan në mënyrë të ngjashme në zonë në 1904, 1914 dhe 1986, por të gjithë u zhdukën për shkak të erozionit.
Arkipelagu japonez, që më parë mendohej se përbëhet nga katër ishuj kryesorë dhe rreth 6000 më të vegjël dhe kryesisht të pabanuar, në fakt përbëhet nga 14125 ishuj. /tesheshi.com/
