Gjashtëmbëdhjetë trupa janë nxjerrë nga rrënojat e një ndërtese apartamentesh që u godit nga raketat ruse në rajonin Donetsk të Ukrainës, duke shkaktuar shembjen e saj. 24 persona të tjerë mbeten të bllokuar nën rrënoja dhe të paktën gjashtë janë plagosur.
https://twitter.com/i/status/1546047653045325825
Guvernatori Pavlo Kirilenko raportoi në Telegram se bombardimi filloi të shtunën mbrëma kundër qytetit të Chasiv Yar dhe kishte në shënjestër një ndërtesë banimi katërkatëshe.
https://twitter.com/i/status/1546191137966366723
Gazetarët e AFP-së që mbërritën në vendngjarje panë ndërtesën katërkatëshe të shembur pjesërisht dhe punëtorët e shpëtimit me një buldozer që përpiqeshin të hiqnin mbeturinat. Sipas tij, 591 civilë janë vrarë dhe 1,548 janë plagosur deri më tani në provincën Donetsk që kur Rusia pushtoi Ukrainën më 24 shkurt.
https://twitter.com/i/status/1546191463972732928
“Ka kontakte me tre persona nën rrënoja, po merren masa për shpëtimin e tyre”, tha shërbimi ukrainas. “Sipas informacioneve paraprake, 24 persona, përfshirë një fëmijë, mund të jenë ende nën rrënoja”, tha shërbimi i urgjencës.
Po si ishte përgjigja ruse për këtë sulm mbi civilë?
Sipas Moskës, aty ishte bombarduar një depo me armë perëndimore. Kjo formë justifikimi i përngjet asaj amerikane në luftrat në Irak e Afganistan në rastet ku goditeshin civilë. Por ndryshe nga rusët, amerikanë ndërmerrnin një hetim, qoftë dhe formal dhe ndodhte ta pranonin gabimin e goditjes së civilëve. Rusët as këtë nuk e bëjnë.
Pos kësaj, ata përligjin çdo akt me tezën që “kështu kanë vepruar dhe amerikanët”, deri dhe vetë pushtimin e Ukrainas. Pra, një luftë e nisur dhe për inat të rivalit global. /tesheshi.com/
