Varret masive, infrastruktura e dëmtuar, automjetet e shkatërruara në rrugë dhe trupat e civilëve të vrarë në qytetet Bucha dhe Hostomel, afër Kievit, kryeqyteti i Ukrainës, tregojnë shkallën e shkatërrimit dhe vuajtjes njerëzore të shkaktuar nga lufta.
Bucha, një qytet me rreth 28,000 banorë, u bë skena e luftimeve intensive kur Rusia nisi një aggression ushtarak më 24 shkurt.
Rrethinat e Kievit janë nën kontrollin ushtarak rus prej javësh, dhe kur qyteti u kthye në kontrollin e ushtrisë ukrainase më 1 prill, u gjetën trupat e qindra civilëve të vrarë ukrainas.
Fotoreporteri i Anadolu Agency (AA) ka realizuar të dielën foto tronditëse, duke treguar një varr të gërmuar në të cilin janë varrosur disa trupa, infrastrukturë të shkatërruar, makina me njerëz nën to, të shtypura nga tanket.
Një aeroport ushtarak u shkatërrua në Hostomel dhe gjurmët e raketave të lëshuara nga rusët janë të dukshme në qytet.
Presidenti ukrainas Volodymyr Zelensky akuzoi Rusinë të dielën se ka kryer “gjenocid” në Ukrainë për të shfarosur “një komb të tërë”, një ditë pas zbulimit të një numri të madh trupash në rrugët e Bucha-s.
Prokurorja e shtetit ukrainas Irina Venediktova tha të dielën se trupat e 410 civilëve ishin gjetur në Bucha, afër Kievit.
Por Ministria e Mbrojtjes e Rusisë mohoi që trupat e saj të kishin vrarë civilë ndërsa ata tërhiqeshin nga qytetet afër Kievit.
Ministri i Jashtëm ukrainas Dmitry Kuleba u bëri thirrje organizatave ndërkombëtare që të dërgojnë ekspertë në vend sa më shpejt të jetë e mundur për të mbledhur prova të krimeve të luftës të kryera nga trupat ruse. /tesheshi.com/
