Babai i Lamin Yamal u dërgua në një spital në Barcelonë mbrëmjen e së mërkurës, pasi u sulmua nga disa persona me thikë në një parking.
Sipas La Vanguardia, Munir Nasraoui u godit disa herë me thikë në sulmin që ndodhi diku midis orës 9 dhe 22:00 në një parking në Calle Frank Marshall në lagjen Rocafonda në Mataro ku ai jeton.
Ndonëse vlerësimi fillestar tregoi për një dëmtim të rëndë të babait të Yamal, i cili u dërgua në urgjencën e spitalit Can Ruti në Badalona, jeta e tij tani nuk është në rrezik dhe gjendja e tij është stabile pasi ai vazhdon të jetë i shtruar në spital.
Sipas informacioneve, policët që kanë marrë përsipër rastin kanë arrestuar tre persona “për tentativë vrasje”, pas deklaratave të dëshmitarëve okularë të sulmit. Sipas RAC 1, Munir mori “më shumë se një plagë me thikë”.
Tre arrestimet u bënë rreth orës 22:30 të së mërkurës mbrëma falë përshkrimeve të autorëve të dhëna nga dëshmitarët okularë.
Edhe pse ende nuk është e qartë pse u sulmua babai i Yamal, mediat katalanase theksojnë se disa orë para incidentit të përgjakshëm ai ishte përfshirë në një përleshje teksa shëtiste qenin e tij.
Sipas të njëjtave burime, disa persona i kanë hedhur ujë nga një ballkon, për pasojë ka nisur një sherr mes Munirit dhe banorëve të pallatit, i cili ka përfunduar pas ndërhyrjes së punonjësve të policisë bashkiake që ndodheshin në zonë.
Pues ya se ha filtrado el primer vídeo del padre liándola hoy y por lo que posteriormente lo han acabado apuñalando. Cada cual que saque sus conclusiones. pic.twitter.com/9vChpzjgRF
— Alt Right España (@ModoAlt) August 14, 2024
Kush është Munir Nasrawi?
Nasrawi ishte deri vonë një banor i panjohur i lagjes Rocafonda të Mataros, por talenti i djalit të tij si sulmues i Barcelonës dhe më pas si anëtar i ekipit kombëtar të Spanjës që fitoi EURO 2024 e bëri atë një personazh publik.
32-vjeçari ka qenë i përfshirë në situata të dhunshme në të kaluarën.
Në qershor 2023, një video u bë virale në të cilën ai sulmoi deputeten e ekstremit të djathtë të Vox, Mónica Lora në qytetin e Mares, një veprim për të cilin u gjobit me 546 euro. /tesheshi.com/
