Atë që dikur Vetëvendosje jua bënte të tjerëve, tashmë ia bëjnë asaj të njëjtën gjë, nga ish-gjysma tjetër e saj. Fjala është për formën anarkike të reagimit politik ndaj pushtetit, ku qeveritari poshtërohet në publik duke e bërë pis me forma apo produkte të ndryshme.
Kështu vepruan aktivistë të Partisë Socialdemokrate (PDS) joparlamentare, drejtuar nga Dardan Molliqaj, ndaj zv/kryeministrit përgjegjës për dialogun me Serbinë, Besnik Bislimi.
Kosovo deputy PM Besnik Bislimi attacked with cake 🎂 and milkshake by PSD members in protest to Kurti's government deal with Serbia to form Association for Serb-predominantly municipalities pic.twitter.com/vksEpKNR8c
— Ekrem H. Krasniqi (@E_H_Krasniqi) March 21, 2023
“Urime Komunitetit(të komunave serbe!)”, shkroi Molliqaj, që përndryshe, së bashku me partinë e tij të dhuruar nga Katjusha Jashari, deri më tani nuk është asfare faktor në jetën politike të Kosovës.
“Gëzohen ata që e pranuan! Dhe ne qytetarët e Kosovës do ta kundërshtojmë dhe masivisht do të kërkojmë dorëheqjen e tyre”, ka shkruar Molliqaj krahas videos, në përpjekje të sforcuara për të bërë Albin Kurtin e djeshëm, edhe ai, pasi u shkëput nga Albin Kurti, i cili tashmë është në pushtet.
Ai shtoi se për këtë arsye PDS po bën thirrje për protestë të shtunën, më 25 mars. /tesheshi.com/
