Franca po përgatitet për stuhinë Ciaran, e cila pritet të godasë vendin sonte, 1 nëntor.
Stuhia Ciaran pritet të godasë Britaninë e Madhe, Irlandën, Francën dhe Gadishullin Iberik, me erëra deri në 170 kilometra në orë.
Ministri i Brendshëm Gerald Darmanin të martën i kërkoi kombit të mos largohen nga shtëpitë e tyre të mërkurën mbrëma dhe njoftoi se 3,200 zjarrfikës dhe katër helikopterë do të jenë gati për t’iu përgjigjur incidenteve të lidhura me stuhinë.
Storm Ciaran Alert For Europe(France-England-Spain) pic.twitter.com/9qCtuHfyVd
— Çelik Sertbilek🌍 (@CSertbilek) October 31, 2023
Autoriteti meteorologjik i vendit, Meteo France, ka lëshuar një alarm portokalli moti për departamentet perëndimore për të mërkurën dhe një alarm të kuq moti për të enjten, për Finistere, Cotes d’Armor dhe Manche, të cilat ndodhen në bregdetin e Atlantikut.
Kompania hekurudhore franceze SNCF ka anuluar nisjet e trenave nga mbrëma e së mërkurës në rajonet e Bretagne, Pays de la Loire, Normandie, Centre Val de Loire dhe Hauts-de-France në pjesët veriore dhe perëndimore të vendit, raportoi gazeta Le Figaro. /tesheshi.com/
