Kancelarit Olaf Sholz iu dha një pritje “e ngrohtë” nga protestuesit që ishin mbledhur rreth vendit ku ai po kumtonte politika qeveritare në Neuruppin, Brandenburg.
Sholz po fliste në një aktivitet dialogu me qytetarët në sheshin qendror të qytetit. Zona ishte e rrethuar dhe pjesëmarrësit i ishin nënshtruar më parë një kontrolli sigurie.
10/x #OlafScholz war während seiner Rede und während der Fragerunde aufgrund des Ausbuhens und der lauten Pfiffe kaum zu verstehen. Dennoch versuchten etwa 200 Personen, die sich vorher anmelden mussten um in den abgesperrten Bereich zu gelangen, Scholz zuzuhören. #Neuruppin pic.twitter.com/zMPmP2QLWN
— Pressefuchs (@Pressefuchs_Brb) August 18, 2022
Megjithatë, demonstruesit ishin mbledhur rreth sheshit, duke iu përgjigjur thirrjes së Alternativës për Gjermaninë (AfD) nga njëra anë dhe të Majtës nga ana tjetër. “Gënjeshtar”, “tradhtar i popullit” dhe “humbuni”, thërriste turma e mbledhur, ndërsa shumë prej tyre mbanin pankarta me parulla kundër kancelarit, duke kërkuar që ai të jepte dorëheqjen.
#AmpelDesGrauens Scholz redet in Neuruppin von Entlastungen und Demokratie. Keiner will diese Lügen hören pic.twitter.com/tkApK3jLbN
— rocksana (@eisrocksana) August 18, 2022
Kancelari Sholz, i cili po fliste për krizën energjetike dhe paketën e re të ndihmës që po planifikon qeveria, bëri një përpjekje të madhe për t’u dëgjuar mbi parullat dhe batutat. “Duhet bërë më shumë,” tha z. Sholz, duke iu përgjigjur një fëmije që pyeti nëse mungesa e gazit të shkaktuar nga pushtimi rus i Ukrainës mund të ndikojë në funksionimin e shkollave në dimër, duke thënë se ai ishte i sigurt se “do t’ia dalim”. /tesheshi.com/
