Momenti që një balenë kërcen nga uji dhe përplas një varkë të vogël në brigjet e Masaçusets në SHBA, është kapur në një video që po bën xhiron e internetit.
Në klipin e transmetuar nga mediat amerikane, gjitari masiv detar, i cili duket të jetë një balenë më e madhe, del nga deti dhe i bie me turi anijes 5-6 metra të gjatë, përpara se të kthehet në ujë.
Incidenti u shpalos mëngjesin e së dielës së kaluar në zonën e White Horse Beach të Plymouth, sipas zyrtarëve të qytetit. “Ishte çmenduri,” tha dëshmitari okular Ryder Parkhurst për NBC Boston, duke përshkruar skenën. “Djali në varkë ishte thjesht në vendin e gabuar në kohën e gabuar, kjo është e gjitha. Nuk u besoja syve kur pashë se anija nuk ishte fundosur”.
Whale watchers were treated to extraordinary scenes as a humpback whale landed on a small boat 🐋🛥️
There were no injuries reported following the incident and the boat was still seaworthy after being struck.
Watch more videos here: https://t.co/hhDQuQ1top pic.twitter.com/nYpowiJXTZ
— Sky News (@SkyNews) July 25, 2022
Sipas NBC News, përplasja e balenës me varkën e vogël nuk shkaktoi asnjë lëndim te operatori i saj, por as dëme serioze që do të kërcënonin aftësinë e saj detare. Nuk është ende e qartë nëse balena ka pësuar ndonjë lëndim.
Autoritetet Vendore të Peshkimit kanë lëshuar një deklaratë ku këshillojnë operatorët e skafeve dhe peshkatarët të mbajnë distancë të sigurt nga balenat për të shmangur incidente të ngjashme gjatë këtyre ditëve, kur trafiku i varkave është shtuar në zonë. /tesheshi.com/
