Autoritetet turke njoftojnë arrestimin e Dritan Rexhepit, shqiptarin e shndërruar në legjendë prej famës si koka e një karteli ndërkombëtar droge, me emrin e së cilit lidhen shumë ekzekutime mafioze në Shqipëri e gjetkë. Në Shqipëri, rrëmbimi dhe ekzekutimi i Jan Prengës thuhet se u urdhërua prej tij.
Ai njihet si kreu i kartelit të drogës me emrin “Kompanio Bello”, i cili kërkohej me Njoftim të Kuq dhe transportonte drogë nga Amerika e Jugut në Europë.
Ministri i Brendshëm turk Ali Yerlikaya ndau detajet e operacionit në X, duke i dhënë peshë të madhe këtij arrestimi të bujshëm.
İstanbul’da düzenlenen "KARTEL OPERASYONU" ile İtalya ve Arnavutluk makamlarınca;
🟥 Kırmızı Bülten’le aranan ve Güney Amerika’dan Avrupa’ya uyuşturucu sevkiyatı yapan "KOMPANİO BELLO" isimli uyuşturucu Kartelinin lideri Dritan REXHEPI yakalandı❗️Aziz Milletimiz bilmesini… pic.twitter.com/4cbWMYNQgg
— Ali Yerlikaya (@AliYerlikaya) November 10, 2023
Thuhet se ai kishte hyrë në Turqi nga një prej aeroporteve të Stambollit me një pasaportë kolumbiane në emrin Benjamin Omar Perez Garcia.
Ai u kap gjatë operacionit të koduar si “Karteli” në Beylikdüzü, Stamboll. /tesheshi.com/
