Amnesty International ka publikuar imazhe nga sateliti, në të cilat shihet një “fushatë e orkestruar” për djegjen e fshatrave të banuara nga komuniteti Rohingya në perëndim të Myanmar.
Amnesty ka deklaruar se këto janë prova, përmes të cilave shihet që forcat e sigurisë po tentojnë të largojnë minoritetin mysliman jashtë vendit.
Ndërsa nga ushtria është thënë që janë duke luftuar kundër militantëve dhe se nuk kanë për objektiv civilët.
Rreth 389,000 myslimanë Rohingya janë larguar për në Bangladesh që kur shpërtheu dhuna muajin qe shkoi.
Ata janë përndjekur për një kohë të gjatë në Myanmar si “imigrantë ilegal”. /tesheshi.com/
