Dhoma Gjermane e Industrisë dhe Tregtisë (DIHK) njoftoi se pothuajse 82 për qind e kompanive gjermane i shohin “çmimet e energjisë dhe lëndëve të para” si një rrezik për biznesin e tyre.
DIHK publikoi rezultatet e fundit të një sondazhi për mjedisin e biznesit në Gjermani, ku morën pjesë pothuajse 24 mijë kompani.
Pothuajse 82 për qind e kompanive të anketuara, sipas rezultateve të hulumtimit, i shohin çmimet e energjisë dhe lëndëve të para si rrezik për biznesin e tyre.
Siç thuhet në raportin e DIHK-së, kjo normë është më e larta që nga viti 1985, kur nisën të mbaheshin të dhënat zyrtare.
Gjithashtu, 52 për qind e kompanive gjermane besojnë se biznesi i tyre do të përkeqësohet në 12 muajt e ardhshëm. Shkalla e atyre që presin përmirësim të biznesit mbeti vetëm 8-të për qind.
Hulumtimet kanë treguar se pothuajse 20 për qind e kompanive gjermane që operojnë në sektorë me intensitet energjie po reduktojnë prodhimin për shkak të krizës energjetike.
Këtë vit pritet një rritje e PBB-së prej 1.4 për qind
Gjithashtu, pothuajse tetë për qind e kompanive planifikojnë të ridrejtojnë prodhimin për shkak të rritjes së kostove, ndërsa 17 për qind e kompanive në sektorin e automobilave mendojnë të njëjtën gjë.
Drejtori i Përgjithshëm i DIHK, Martin Wansleben kujtoi se numri i kompanive gjermane që ishin optimiste gjatë pandemisë dhe krizës financiare në 2008 ishte më i lartë se 10 për qind.
“Megjithatë, kompanitë janë të shqetësuara se më e keqja nuk ka ardhur ende. Kompanitë, veçanërisht në industri, përballen me çmime të larta të energjisë. Ata janë veçanërisht të prekur nga rritja e lartë e çmimit të energjisë dhe pasiguria në furnizimin me energji”, tha Wansleben.
Qeveria gjermane pret që produkti i brendshëm bruto (PBB) të rritet me 1.4 për qind këtë vit dhe të bjerë me 0.4 për qind vitin e ardhshëm.
PBB-ja është një tregues makroekonomik që tregon vlerën e mallrave dhe shërbimeve përfundimtare të prodhuara në vend gjatë vitit, e shprehur në njësi monetare. /tesheshi.com/
