Zëvendës Ndihmës Sekretari i Shtetit Mattheë Palmer tha të mërkurën se është koha e fundit që Serbia dhe Kosova të arrijnë një marrëveshje.
Në një intervistë për revistën CorD, ai kujtoi mesazhin e Presidentit Trump se negociatorët duhet të përdorin një “mundësi historike” për të arritur një marrëveshje.
“Edhe pse SHBA nuk është pjesë e negociatave, ajo e mbështet fuqimisht dialogun midis Serbisë dhe Kosovës, me ndërmjetësimin e Bashkimit Evropian. Kosova dhe Serbia duhet të arrijnë një marrëveshje që të jetë e zbatueshme, e qëndrueshme dhe që nuk krijon paqëndrueshmëri në secilin prej vendeve e në rajon. Ne do ta konsiderojnë seriozisht çdo marrëveshje që i plotëson këto kushte”, tha Palmer.
Ai shtoi se Shtetet e Bashkuara nuk përshkruajnë dhe nuk do të përshkruajnë se si duhet të duket një zgjidhje dhe se procesi dhe vetë marrëveshja duhet të vijnë nga të dy palët.
SHBA, shtoi ai, janë të gatshme për të ndihmuar në çdo mënyrë të mundshme, por udhëheqësit e të dyja palëve duhet të gjejnë rrugën e tyre për t’u kthyer në tryezën e bisedimeve dhe të përfitojnë nga ajo që Trump e quajti atë “një mundësi historike”.
Ai deklaroi se Serbia dhe Kosova duhet të marrin vendime në përputhje me interesat e tyre, dhe se Shtetet e Bashkuara besojnë se këto interesa të arrihen nëpërmjet një marrëveshje dypalëshe që do të çojë në normalizimin gjithëpërfshirës të marrëdhënieve, duke u përqëndruar në njohjen e ndërsjelltë. /tesheshi.com/
