I dërguari i Shteteve të Bashkuara për Ballkanin Perëndimor, Matthew Palmer, gjatë një interviste për Radio Televizionin Publik të Malit të Zi, pohoi bindjen për një marrëveshje midis Kosovës dhe Serbisë
Palmer thotë se bisedimet mes dy vendeve duhet të bëhen edhe më serioze dhe të mbërrijnë në një pikë përfundimtare për normalizimin e marrëdhënieve midis Prishtinës dhe Beogradit.
“Do të ishte ideale që bisedimet të bazoheshin në njohjen e ndërsjellë. Në kohën kur të dyja palët të kthehen në tryezën e bisedimeve, ne do të gjendemi pranë si partnerë për të dyja vendet”, tha Palmer.
Palmer, po ashtu ka deklaruar se vetëm Rusia ka interes që rajoni të jetë i zhytur në trazira dhe mosbesim, dhe shtoi se do të bëjnë atë që kërkohet për te mos lejuar rritjen e ndikimit të saj në Ballkanin Perëndimor. /tesheshi.com/
