Autoriteti Palestinez ka deklaruar në tryezën e negociatave të mundshme paqësore palestinezo-izraelite, se nuk ka vend për Shtetet e Bashkuara në qoftë se nuk do të diskutohet edhe për Jerusalemin.
“Nëse Jeruzalemi nuk do jetë temë diskutimi, atëherë SHBA-të do të mbeten jashtë tryezës së negociatave”, tha Rudeineh.
Sekretari i Përgjithshëm i Organizatës për Çlirimin e Palestinës (PLO), Saeb Erekat ka përmendur edhe deklaratat e Trump të cilat i quajti “të papërgjegjshme”.
“Këto fjalë tregojnë qartë paaftësinë e Trump-it për të ndërmjetësuar në negociatat e mundshme paqësore”, tha Erekat.
Të përkujtojmë, se Trump gjatë takimit të tij me kryeministrin izraelit Benjamin Netanyahu në Forumin Ekonomik Botëror në Davos, të Zvicrës, njoftoi anulimin e ndihmës qindra miliona dollarëshe për palestinezët në qoftë se nuk pranojnë të marrin pjesë në negociatat e paqes të sponsorizuara nga Uashingtoni .
“Javën e kaluar, autoritetet palestineze treguan mosrespekt, duke mos pranuar zëvendëspresidentin tonë të nderuar Mike Pence”, tha Trump. /tesheshi.com/
