Në sulmin izraelit në kishën historike Ortodokse Greke ku civilët e zhvendosur u strehuan në Rripin e Gazës, shumë njerëz u vranë dhe u plagosën.
Ministria e Brendshme e Gazës njoftoi se Izraeli kishte në shënjestër kishën e Shën Porfirit dhe se nuk e goditi aksidentalisht.
Kisha u ndërtua midis viteve 1150 dhe 1160 dhe mban emrin e peshkopit të Gazës të shekullit të pestë, Shën Porfirit, i cili ngushëlloi brezat e palestinezëve në Gaza.
Ai tha se “shumë njerëz u vranë dhe u plagosën” si rezultat i një sulmi izraelit në një kishë ku ishin strehuar qindra palestinezë të zhvendosur.
Veç viktimave, sulmi shkaktoi dëme serioze në kishën historike dhe u shkatërrua edhe një ndërtesë pranë kishës.
Kisha Ortodokse Greke e Shën Porfirit, e lidhur me Kishën Anglikane në Al-Quds, ndodhet afërsisht 250 metra nga Spitali Baptist al-Ahli, të cilin Izraeli e bombardoi më 17 tetor, duke vrarë qindra njerëz.
Dihet se në zonën e sulmuar nga Izraeli jetojnë rreth 1000 të krishterë dhe ata që iu shkatërruan shtëpitë u strehuan në kishë dhe ndërtesat e saj për mbrojtje.
Pas këtij akti agresioni nga Izraeli, palestinezët morën pjesë në varrimin e viktimave të sulmit izraelit në kishën e Shën Porfirit në Gazën e rrethuar më 20 tetor, shkruan trtbalkan. /tesheshi.com/
