Palestinezët kanë sfiduar vendimin izraelit përmes së cilit kërkohet që të imponohen kufizime të thirrjes së ezanit në Izrael dhe në Jeruzalemin Lindor, përmes ndërtimit të një minareje të lartë në territorin e pushtuar.
Vetëm një javë pasi ka kaluar urdhëri për ezanin nga parlamenti izraelit, Knesset, banorët e lagjes së Issawiya të Jerusalemit lindor kanë inauguruar atë që u përshkrua si minarja më e lartë në Jeruzalem.
Struktura, e cila mendohet të jetë 73 metra e lartë, që kushton rreth 28.000 dollarë për t’u ndërtuar, “ka dërguar një mesazh të qartë për Izraelin”, tha Muhammad Abu Al-Hummus, një anëtar i komitetit Issawiyya për mbikëqyrjen e projektit.
“Minaret nuk do të heshtin dhe ezani (thirrja për namaz) do të vazhdojë të thirret nëpër fshatrat dhe qytete palestineze “, tha Abu al-Hummus.
Palestinezët kanë denoncuar ligjin e propozuar për ndalimin e thirrjes së ezanit si “racist” dhe një shkelje të lirisë fetare, si dhe një sulm mbi të drejtën e muslimanëve për adhurim. /tesheshi.com/
