Grupet palestineze kanë konfirmuar se është formuar një Komitet i Lartë Kombëtar, që përfshin grupe politike dhe kombëtare brenda dhe jashtë Palestinës, ku qëllimi është përballja me planin e përgatitur nga Shtetet e Bashkuara të Amerikës.
Komiteti Monitorues i Forcave Kombëtare dhe Islame mbajti një takim në Gaza për të diskutuar planin e paraqitur nga Presidenti Trump, prezantuar ditë më parë njëanshmërisht e hasur në një rezistencë të fortë.
Një zëdhënës i Komitetit të Rezistencës Popullore, Muhamed el-Bireym, tha se komiteti i sapoformuar do të punojë për të hartuar një plan që do luftojë rreziqet e paraqitura nga plani i ri i paqes, i cili, siç u tha, tejkalon të gjitha vlerat njerëzore, legale, morale dhe standardet.
Duke theksuar se populli palestinez dhe grupet e rezistencës duhet të bashkohen kundër planit, Bireym u bëri thirrje popujve palestinezë dhe arabë të veprojnë urgjentisht në nivele mediatike, diplomatike dhe ligjore dhe të investojnë në studime ndërkombëtare në këtë fushë.
Duke dënuar deklaratat e disa vendeve arabe, Bireym u bëri thirrje atyre vendeve që të rishqyrtojnë pikëpamjet e tyre dhe të bashkohen në radhët e vendeve të tjera arabe dhe islame që kundërshtuan planin.
Më 28 janar, presidenti amerikan paraqiti në Shtëpinë e Bardhë, në shoqërinë e kryeministrit izraelit Benjamin Netanyhau, një plan që do ta bënte Jeruzalemin kryeqytetin e pandarë të Izraelit.
Trump ka thënë se plani i tij është shansi i fundit për krijimin e një shteti të pavarur palestinez.
Kryeministri izraelit ka zbuluar se plani parashikon sovranitetin e Izraelit mbi të gjitha vendbanimet hebraike në Bregun Perëndimor dhe tha se plani është një përfitim shumë i madh dhe historik për Izraelin.
Pala palestineze, përfshirë lëvizjet e rezistencës Fatah dhe Hamas, hedh poshtë planin e Trump dhe njofton luftën e vazhdueshme për të drejtat e Palestinës.
Presidenti Abbas e quajti planin një komplot, ndërsa Hamas tha se plani nuk ia vlente as për letrën në të cilën ishte shtypur. /tesheshi.com/
