Presidenti turk Rexhep Tajip Erdogan tha të dielën se bërja realiet e një shteti palestinez të pavarur dhe të integruar gjeografikisht bazuar në kufijtë e vitit 1967, me Jerusalemin (Lindor) si kryeqytet, nuk mund të vonohet më.
“Paqja e qëndrueshme në Lindjen e Mesme është e mundur vetëm përmes një zgjidhjeje përfundimtare të konfliktit palestinezo-izraelit”, tha Erdogan në ceremoninë e hapjes së Kishës Ortodokse Siriane Mor Ephrem në Yesilkoy në anën evropiane të Stambollit. Është kisha e parë e ndërtuar në epokën e Republikës Turke.
Erdogan tha se Turqia është e gatshme të bëjë pjesën e saj për të ndaluar konfliktin izraelito-palestinez dhe për të ulur tensionet që u përshkallëzuan të shtunën.
“Çështja e Palestinës qëndron si shkaku kryesor i problemeve në rajonin tonë. Rajoni ynë do të vazhdojë të lëngojë për paqen nëse nuk arrihet një zgjidhje e drejtë”, shtoi presidenti turk.
Erdogan theksoi gjithashtu se çdo hap që do të përshkallëzojë tensionet në rajon “do të çojë në më shumë gjakderdhje, prandaj shtimi i problemeve duhet të shmanget”.
Turqia gjithashtu ka intensifikuar dhe vazhdon përpjekjet e saj diplomatike për të rivendosur paqen, shtoi ai.
Grupi palestinez Hamasi nisi operacionin ‘Al-Aksa Flood’, duke thënë se sulmi i paprecedentë ishte në përgjigje të sulmit ndaj Xhamisë Al-Aksa dhe rritjes së dhunës së kolonëve. Ai tha se hodhi raketa dhe kapi shumë izraelitë.
Si hakmarrje, ushtria izraelite nisi operacionin “Shpatat e Hekurt” kundër Hamasit, duke nisur sulmet ajrore në Rripin e Gazës.
Luftimet vazhduan në ditën e dytë të dielën dhe Izraeli shpalli gjendjen e luftës. /Tesheshi.com/
