Presidenti egjiptian Abdel Fattah El Sisi bëri thirrje sot për krijimin e një shteti palestinez të çmilitarizuar me garanci dhe praninë e forcave evropiane, amerikane apo të Kombeve të Bashkuara, raporton Anadolu.
Agjencia egjiptiane MENA raporton se El Sisi u takua me kryeministrin spanjoll Pedro Sanchez dhe kryeministrin belg Alexander De Croo në Kajro dhe në takim u diskutua për zhvillimin e ngjarjeve në Rripin e Gazës.
“Duhet të ekzistojë një shtet palestinez sipas kufijve të 4 qershorit 1967, me Jerusalemin Lindor si kryeqytet, krah për krah me Izraelin. Ne jemi të gatshëm që ai shtet të çmilitarizohet dhe të ketë garanci për praninë e forcave, qoftë nga NATO, Kombet e Bashkuara apo forcat arabe apo amerikane, në mënyrë që të arrijmë sigurinë për të dy shtetet, shtetin palestinez në zhvillim dhe shteti izraelit”, tha El Sisi.
Presidenti egjiptian theksoi domosdoshmërinë e njohjes së shtetit palestinez nga bashkësia ndërkombëtare dhe pranimit të tij në Kombet e Bashkuara. /tesheshi.com/
