Shteti i Palestinës, si një nga nënshkruesit e Statutit të Romës, ka ngritur pari në Hagë kundër Izraelit, ku e akuzon shtetin hebre “për shkelje të të drejtave të popullit të Palestinës në të kaluarën, të tashmen dhe të ardhmen që lidhen me regjimin kolonial izraelit e zgjerimin e vendbanimeve në Bregun Perëndimor, përfshirë Jerusalemin Lindor”, siç u tha një deklaratë nga Komisioni Kombëtar Palestinez përgjegjës për bashkëpunimin me Gjykatën Penale Ndërkombëtare.
Ishte ministrit të Jashtëm palestinez, Riyad Maliki, që pas një takimi me kryeprokuroren e Hagës Fatou Bensouda, tha se kjo gjykatë duhet të marrë përsipër përgjegjësitë dhe detyrat e saj në sigurimin e drejtësisë për popullin palestinez karshi fuqisë pushtuese izraelite, përgjegjëse për krimet e vazhdueshme dhe shkeljeve të të drejtave të njeriut
“Gjykata pritet të nisë një hetim penal për krimet kundër njerëzimit të kryera nga Izraeli. Është koha për të vendosur para përgjegjësisë kriminelët izraelitë dhe t’i sjellin ata para drejtësisë”, u tha në deklaratë.
Ky reagim vjen pas vrasjes së mbi 60 palestinezëve brenda një dite e plagosjes po ashtu të mbi 3000 të tjerëve, gjatë protestave në kufirin e Gaza-s, ditën kur SHBA transferonin ambasadën e tyre në Jerusalem. /tesheshi.com/
